Памяткі для донараў-рэканвалесцэнтаў

Дата публикации: 22 октября 2020.

Памятка “Запіс на кансультацыю і абследаванне донараў-рэканвалесцэнтаў імуннай плазмы анты-COVID 19”

Крытэрыі адбору патэнцыяльнага донара:

асобы, якія перанеслі COVID-інфекцыю, але не раней за 30 сутак з даты поўнай клінічнай папраўкі;
узрост ад 18 да 55 гадоў;
маса цела не меншая за 55 кг;
адсутнасць інфекцыйных захворванняў (ВІЧ, гепатыты B і C, сіфіліс) і хранічных захворванняў (згодна з інструкцыяй, зацверджанай Міністэрствам аховы здароўя Рэспублікі Беларусь).

Папярэдні запіс на кансультацыю ажыццяўляецца з панядзелка па пятніцу з 9:00 да 15:00 па тэлефонах:

+375 17 239-59-37

Урачэбная кансультацыя і абследаванне праводзіцца з 8.00 да 10.30 згодна з датай і часам папярэдняга запісу.

Кантактны тэлефон: +375 17 239-59-20; +375 17 239-59-23.

Пры сабе неабходна мець:

Пашпарт (дакумент, які сведчыць асобу).
Выпісны эпікрыз, калі праходзілі лячэнне ў бальнічнай арганізацыі аховы здароўя.
Выпіску з амбулаторнай карткі поліклінічнай арганізацыі аховы здароўя (мед. форма №1).
Для жанчын – агляд гінеколага з заключэннем за апошнія 6 месяцаў.
Вынікі флюараграфіі, рэнтгенаграфіі або КТ органаў грудной клеткі, не старэйшыя за 1 год .

Абавязкова!

На кансультацыю і медыцынскі агляд донару-рэканвалесцэнту неабходна прыходзіць у медыцынскай масцы і бахілах.

Памятка донарам-рэканвалесцэнтам, якія перанеслі інфекцыю СОVID-19, пры падрыхтоўцы да плазмаферэзу

Пры падрыхтоўцы да здачы плазмы неабходна выконваць наступныя простыя правілы:

напярэдадні і ў дзень здачы плазмы забаронена ўжываць тлустую, смажаную, вострую і вэнджаную ежу, каўбасныя вырабы, а таксама мясныя, рыбныя і малочныя прадукты, яйкі і масла (у т.л. расліннае), шакалад, арэхі і фінікі, авакада, буракі, бананы (нашча здаваць кроў не трэба);
лепш піць салодкую гарбату з варэннем, сокі, морсы, кампоты, мінеральную ваду і есці хлеб, сухары, сушкі, адварныя крупы, макароны на вадзе без масла, гародніну і садавіну, акрамя авакада, буракоў, бананаў;
за 48 гадзін да візіту ва ўстанову службы крыві нельга ўжываць алкаголь; за 2 гадзіны да працэдуры данацыі трэба ўстрымацца ад палення.

Донарства – справа добраахвотная, але менавіта ад Вашага рашэння можа залежаць жыццё чалавека.

Адрас: г. Мінск, вул. Уральская, д. 5, корп. 8

Папярэдні запіс на кансультацыю донараў-рэканвалесцэнтаў ажыццяўляецца з панядзелка па пятніцу з 9:00 да 15:00 па тэлефонах:

+375 17 239-59-37