«Дом без гвалту!»

 

З 8 па 17 красавіка 2024 года праводзіцца рэспубліканская прафілактычная акцыя

«Дом без гвалту!».

Мэта: уцягнуць шырокія пласты насельніцтва ў аказанне дапамогі і садзейнічанні дзяржаўным органам у рашэнні праблем гвалту ў сям'і з ужываннем да асоб асацыяльных паводзін мер індывідуальнай прафілактыкі правапарушэнняў.

Адзін з лістоў з кранальнымі словамі пакінуў у АДС Кастрычніцкага РУУС жыхар вуліцы Магілёўскай. 38-гадовы мужчына раней паспяхова займаўся продажам аўтазапчастак, але потым атрымаў цяжкую траўму галавы і як вынік інваліднасць, з-за якой больш не змог весці бізнес. Праблемы са здароўем падкасілі мужчыну, ён стаў марнатравіць алкаголем і спаганяць злосць на пажылой маці. Жанчына выклікала на гора-сына міліцыю, сітуацыя часова наладжвалася, а праз час прыступы хмельнай агрэсіі накатвалі зноў. Так працягвалася, пакуль да вырашэння праблемы не падключыўся малады ўчастковы.

- Паставіў мужчыну на прафулік , у сувязі з фактам хатняга гвалту, які меў, кватэру ўзяў пад асаблівы кантроль. Наведваў сям'ю часта і без папярэджання, - расказвае ўчастковы інспектар лейтэнант міліцыі Уладзіслаў Штаб. - Яго мама запісала мой нумар і магла тэлефанаваць у любы час, калі сын цягнуўся да спіртнога. Адчуўшы кантроль, мінчанін змяніў паводзіны.

Але нават дамогшыся бачных вынікаў, міліцыянер не зменшыў градус увагі. Важную ролю адыграла арыгінальная ідэя супрацоўніка: ён папрасіў падуліковага кожны вечар запісваць яму відэапаведамленні і расказваць, чым той заняты і ці ўжываў сёння алкаголь.

- Яшчэ магу нечакана набраць яму і пракансультавацца, напрыклад, наконт замены дэталяў у аўтамабілі, бо ён гэтым займаўся доўгі час, - працягвае ўчастковы. - Усведамленне таго, што ён патрэбен, станоўча ўплывае на чалавека. Як вынік - сёлета ад яго мамы не паступала ніводнай скаргі на сына, а "кружочкі" ён спраўна адпраўляе мне кожны дзень. Гэта выдатны спосаб трымаць сітуацыю пад кантролем нават на адлегласці і не дапускаць рэцыдываў, што, нажаль, нязменна здаралася раней.

Бываюць выпадкі, калі за ўчыненне правапарушэнняў у сферы дамашняга насілля прадугледжана крымінальная адказнасць. Пакаранне залежыць ад формы, працягласці і ступені цяжкасці нанесеных пашкоджанняў. Так, за наўмыснае прычыненне працяглага болю, пакут, або сістэматычнае нанясенне збіцця (арт. 154 КК РБ) прадугледжаны арышт, або абмежаванне волі на тэрмін да трох гадоў, або пазбаўленне волі на той жа тэрмін са штрафам або без штрафу. Пагроза забойствам або прычыненнем цяжкіх цялесных пашкоджанняў караецца грамадскімі работамі, або штрафам, або папраўчымі работамі на тэрмін да аднаго года, або арыштам або абмежаваннем волі на тэрмін да трох гадоў, або пазбаўленнем волі на той жа тэрмін (артыкул 186 КК Рэспублікі Беларусь). Прадугледжана і адміністрацыйная адказнасць па
арт. 10.1 КаАП Рэспублікі Беларусь "Наўмыснае прычыненне цялеснага пашкоджання і іншыя гвалтоўныя дзеянні або парушэнне ахоўнага прадпісання" караецца штрафам да 30-ці базавых велічынь, або грамадскія працы, або адміністрацыйны арышт.

Часцяком той, хто падвяргаецца хатняму тэрору ўпершыню, не ведае, куды ісці і дзе шукаць абарону. У такіх выпадках неабходна адразу тэлефанаваць на лінію 102 ці прыходзіць на прыём да ўчастковага на грамадскі пункт аховы правапарадку.